Daily Post Nigeria
Najeriya ta tsallake hukuncin kungiyar kwallon kafar Afirka CAF
©2022 DopeReporters. All Right Reserved. Designed and Developed by multiplatforms
Kasafin Kudin Naira tiriliyan 49.7 na Shekarar 2025 da shugaban Najeriya, Bola Tinubu ya gabatar ya tsallake karatu na biyu a majalisa.
A ranar Alhamis ne majalisar dattijai ta amince da kasafin kudin shekarar 2025 bayan shugabanta, Sanata Godswill Akpabio ya nemi a kada kuri’ar murya.
Wannan ya biyo bayan tattaunawa mai zurfi kan ka’idojin kasafin kudin, inda sanatoci suka yaba wa Shugaba Bola Tinubu saboda kyawawan aniyarsa ga kasar.
Bayan tsallake karatun, an tura kasafin zuwa kwamitin kasafi, karkashin jagorancin Sanata Solomon Adeola, domin ci gaba da nazarinta.
A ranar Laraba, Shugaba Tinubu ya gabatar da kasafin kudin da aka yi wa lakabi da farfado da tattalin arziki na 2025 a gaban zaman hadin guiwa na majalisar tarayya.
Mataimakin gwamnan jihar Borno, Dr. Umar Kadafur da wasu fasinjoji 100 sun tsallake rijiya da baya bayan injin jirgin da s uke ciki yak ama da wuta.
Jirgin Max Air ya dauko fasinjojin daga jihar Borno zai kai su birnin Abuj da misalin 7:00 na yammacin Laraba, amma da tashinsa, sai injinsa ya kama da wuta.
Hatsarin ya zo da sauki bayan direban jirgin ya yi nasarar juya akalarsa, kuma ya yi saukar gaggawa a filin jirgin saman Maiduguri a jihar Borno.
Rahotanni sun nuna cewa jirgin ya buge wani tsuntsu a lokacin da ya tashi, wanda haka ne ya sa injinsa yak ama da wuta.
Wani ma’aikacin kamfanin Max Air, daya nemi a sakaya sunansa, ya tabbatar da afkuwar lamarin da safiyar yau Alhamis.
Sai dai, nan take hukumar gudanarwar Max Air ta tura wani jirgin saman daga Kano domin yin jigilar fasinjojin, ciki harda mataimakin gwamnan zuwa Abuja.