Tag:

Najeriya

Yan wasan Kano Pillars 3 zasu bugawa Najeriya wasa

by admin December 4, 2024

Mai horar da tawagar Super Eagles B Augustine Eguavoen, ya gayyaci yan wasa 30, don bugawa Najeriya wasa da kasar Ghana a wasan share fagen shiga gasar cin kofin nahiyar Afrika ta yan wasan cikin gida.

Gasar wadda itace karo na 8 zata gudana daga farkon watan Fabrairun 2025 a kasashen Kenya, Uganda da kuma Tanzania.

Tuni yan wasa 30 irinsu Rabiu Ali, na Kano Pillars da ya ci kwallo 8 a kakar bana, da yan wasa irinsu Musa Zayyad na Elkanemi da na Rivers United Steven Mayo suka samu goran gayyata don buga wasan.

Du ka yan wasan da aka gayyata zasu isa sansanin kungiyar Remo Stars da ke Ikenne na jihar Ogun a yau Laraba 4 ga Disamba shekarar da muke ciki.

Ana saran wasan farko da Super Mario B za suyi da tawagar Ghana zai gudana a filin wasa na Accra Sports Stadium a ranar 22 ga Disambar da muke ciki.

Sai kuma wasa na biyu da zai gudana a filin wasa na Godswill Akpabio da ke birnin Uyo a ranar Asabar 28 ga Disambar shekara da muke ciki.

Jumullar yan wasa 30 da aka gayyata domin isa sansanin tawagar Super Eagles B sun hada da masu tsaran raga Henry Ozoemena (Enyimba FC); Kayode Bankole (Remo Stars); Nurudeen Badmus (Kwara United)

Yan wasan baya kuwa Ismail Sadiq (Remo Stars); Waliu Ojewole (Ikorodu City); Imo Obot (Enyimba FC); Taiwo Abdulrafiu (Rivers United); Junior Nduka (Remo Stars); Victor Collins (Nasarawa United); Ifeanyi Onyebuchi (Rangers International); Steven Mayo (Rivers United)

Yan wasan tsakiya sun hada da Jide Fatokun (Remo Stars); Rabiu Ali (Kano Pillars); Saviour Isaac (Rangers International); Musa Zayyad (El-Kanemi Warriors); Emmanuel Ogbole (Kwara United); Papa Daniel Mustapha (Niger Tornadoes); Kazeem Ogunleye (Rangers International)

Yan wasan gaba kuwa akwai Anas Yusuf (Nasarawa United); Adamu Abubakar (Plateau United); Osy Martins (Lobi Stars); Sikiru Alimi (Remo Stars); Temitope Vincent (Plateau United)

Sauran sune Samuel Ogunleye (3SC); Abiam Nelson (Kano Pillars); Meyiwa Oritseweyimi (Bendel Insurance); Ngbemena Ikechukwu (Heartland FC); Sunday Megwo (Abia Warriors); Umar Al-Amin Ibrahim (El-Kanemi Warriors); Adams Aminu Sani (Kano Pillars)

Source link

December 4, 2024 0 comment 4 views

Nigeria

A karan farko a tarihi an fara rigakafin zazzabin cizon sauro a Najeriya

by admin December 4, 2024

An kaddamar da allurar rigakafin zazzabin cizon sauro tun bayan karbar allurar a rigakafin a watan Oktobar daya gabata.

Rigakafin mai suna R21/Matrix-M shine nau’in rigakafin malaria karo na biyu dahukumar lafiya ta amince da shi domin amfanin yara yan tsakanin watanni 15 zuwa shekaru biyar.

Ana sa ran zai magance kaso 75 cikin dari daga cikin matsalolin da cutar zazzabin cizon sauro ke haifar wa hakan yasa aka fara allurar a jihohin Bayelsa da Kebbi da sukafi kowace jiha fama da cutar.

Nijeriya ce dai kasar da ke da kashi 27 cikin 100 na masu dauke da cutar zazzabin cizon sauro a duniya. Sannna kasar na da kuma kashi 31 na wadanda cutar ke kashewa a duniya, kamar yadda rahoton malaria na duniya na 2023 ya nuna.

Akalla mutum 200,000 ne suka rasu a sanadiyar cutar zazzabin cizon sauro a shekarar da ta wuce. Hakazalika, yara ‘yan kasa da shekara biyar da mata masu ciki ne suka fi saurin kamuwa.

Za’a fadada rigakafin zuwa wasu jihohin nan da wasu watanni masu zuwa.

Source link

December 4, 2024 0 comment 7 views

Nigeria

Majalisa ta amince da nadin Laftanal Janar Oluyede a matsayin babban hafsan sojan kasa na Najeriya

by admin December 3, 2024

Majalisar dattawa ta tabbatar da nadin Laftanal Janar Olufemi Oluyede a matsayin babban hafsan sojin kasa na Najeriya.

Majalisar ta amince da nadin bayan an nazarci rahoton kwamitin da ke kula da harkokin sojojin kasa.

A lokacin da aka nemi ra’ayin yan majalisa kan tabbatar da nadin, dukkaninsu sun amince da kuri’ar murya.

Sugaban Najeriya , Asiwaju Bola Tinubu ne ya nada Laftana Janar Oluyede a matsayin babban hafsan sojin kasa na rikon kwarya bayan Laftana Janar Taoreed Abiodun Lagbaja ya kwanta jinya kafin mutuwarsa.

Source link

December 3, 2024 0 comment 9 views

Nigeria

Yana jefa kansa a cikin zargi – Yan Najeriya sun mayar da martani kan sakon Akande game da Emefiele

by admin December 3, 2024

Mai magana da yawun tsohon mataimakin shugaban kasa, Laolu Akande ya ce binciken EFCC ya tabbatar da rukunin gidajen da aka mayarwa gwamnati, mallakin tsohon gwamnan bankin CBN ne.

Ya ce jaridarsa ta Empowered Newswire ta samu tabbacin cewa Godwin Emefiele ne ya mallaki gidaje 753 da sauran gine-gine da aka mayarwa gwamnati a Abuja.

Laolu Akande ya ce sun samu takardun kotu da su ka nuna yadda Mr. Emefiele da wadans mutane su ka mallaki gidajen ta barauniyar hanya.

Tsohon mai Magana da yawun Yemi Osinbajo ya yaba da yadda EFCC ta yi kokarin kama Mr. Godwin Emefiele da sauran mutanen da ake zargi a badakalar.

Amma bayanin Laolu Akande ya jawo masa mutane sun soki gwamnatin baya, tare da zargin cewa a karkashin ikonsu aka yi satar.

@royaltyuso ya ce ba lallai Laolu Akande ya iya furta kalaman ba da kafin shekarar 2023.

@procyvir ya tambayi Laolu Akande ko yaushe za a kai Godwin Emefiele a domin a harbe shi.

Godwin Emefiele shi ne gwamnan babb bankin Najeriya a lokaci da gwamnatin Muhammadu Buhari da mataimakinsa Yemi Osinbajo

Source link

December 3, 2024 0 comment 7 views

Nigeria

Shirye-shiryen ‘Kudirin Gyaran Haraji’ na iya gyara Najeriya – Shugaban Kwamitin Oyedele

by admin December 3, 2024

Shugaban kwamitin shugaban kasa na sake fasalin haraji, Taiwo Oyedele, ya yi kira ga ‘yan Najeriya da kada su bari wasu ‘yan tanadi a cikin shirin sake fasalin haraji su kawo cikas ga zartar da kudirin.
DAILY POST ta tuna cewa cece-kuce ya biyo bayan kudirin ne tun bayan da shugaban kasa Bola Tinubu ya aike da su majalisar dokokin kasar inda fitattun shugabannin Arewa suka yi kakkausar suka yi watsi da kudirin kan ikirarin cewa sun sabawa yankin.
Majalisar Tattalin Arziki ta Kasa, NEC, takuma bukaci shugaban kasa da ya janye kudirin don ba da damar tuntubar juna, amma shugaban Kasa ya ce ya gwammace a bi tsarin dokoki.

Oyedele, da yake jawabi a wani taron gari kan batun sake fasalin haraji da gidan Talabijin na Channels ya shirya a ranar Litinin wanda kwamitinsa ya yi ungozoma da takardar, ya bayyana cewa akwai tanadi sama da 200 na kawo sauyi da za su iya gyara kasar nan a cikin kudirin.

“Wadannan kudirorin suna da tanadi sama da 200 na kawo sauyi don gyara kasarmu da kuma dora mu kan turba mai kyau na wadata.

“Kada mu ƙyale tanadi ɗaya ko biyu da za mu iya tattaunawa cikin sauƙi kuma mu yarda a kai su zama cikas,” Oyedele yace.

Source link

December 3, 2024 0 comment 8 views

Najeriya

Yan wasan Kano Pillars 3 zasu bugawa Najeriya wasa

A karan farko a tarihi an fara rigakafin zazzabin cizon sauro a Najeriya

Majalisa ta amince da nadin Laftanal Janar Oluyede a matsayin babban hafsan sojan kasa na Najeriya

Yana jefa kansa a cikin zargi – Yan Najeriya sun mayar da martani kan sakon Akande game da Emefiele

Shirye-shiryen ‘Kudirin Gyaran Haraji’ na iya gyara Najeriya – Shugaban Kwamitin Oyedele

Useful Links

Edtior's Picks

Latest Articles