Daily Post Nigeria
Najeriya ta tsallake hukuncin kungiyar kwallon kafar Afirka CAF
©2022 DopeReporters. All Right Reserved. Designed and Developed by multiplatforms
Kungiyar Kwallon Kafa ta Enyimba ta sanar raba gari da kocinta Yemi Olarenwaju nan take.
A wata gajeriyar sanarwa da kungiyar ta wallafa a shafinta na X, ta bayyana godiya ga Koci Olarenwaju bisa gudunmawarsa, tare da yi masa fatan alheri a gaba.
Sanarwar ta ce:
“Kungiyar Enyimba na sanar da cewa ta rabu da babban kocinta, Yemi Olarenwaju.
“Kungiyar tana godiya ga Koci Olarenwaju bisa gudunmawarsa, kuma tana masa fatan alheri a gaba.”
Koci Olarenwaju ya fara aiki da kungiyar a watan Satumbar 2022, lokacin da aka nada shi a matsayin mataimakin kocin Finidi George.
A lokacin da suke aiki tare, sun jagoranci Enyimba zuwa lashe kambun gasar firimiya ta Najeriya karo na tara, wanda shi ne mafi yawa a tarihin gasar.
Bayan murabus din Finidi George a watan Mayu 2024, Koci Olarenwaju ya karbi ragamar kungiyar a matsayin rikon kwarya, har zuwa karshen kakar wasa. Daga baya aka tabbatar da shi a matsayin babban koci a watan Agusta 2024.
A ranar Juma’a, an gudanar da bikin bayar da kyaututtuka na Globe Soccer Awards na shekarar 2024, inda tauraron Real Madrid, Vinícius Jr, ya samu kyautar gwarzon ɗan wasa a ɓangaren maza. Wannan nasara ta nuna ƙwazonsa a bana, duk da rashin nasarar lashe kyautar Ballon d’Or.
Bugu da ƙari, ɗan wasan Brazil ɗin ya lashe kyautar gwarzon ɗan wasan gaba, wani babban abin yabo da ke tabbatar da cewa zai kammala shekarar 2024 cikin cikakken nasara.
A yayin bikin, wasu fitattun ‘yan wasan ƙwallon ƙafa sun samu yabo, ciki har da:
Jude Bellingham, wanda ya samu kyaututtuka biyu—mafi kyawun ɗan wasan tsakiya da lambar yabo ta Maradona. Wannan ya ƙarfafa matsayin ɗan wasan a matsayin ɗaya daga cikin manyan ‘yan wasan duniya.
Neymar Jr, wanda aka karrama saboda gudunmawar da yake bayarwa a harkar ƙwallon ƙafa ta duniya.
Lamine Yamal, matashin ɗan wasan da ya samu kyautar gwarzon ɗan wasa mai tasowa.
Wannan bikin ya sake nuna muhimmancin Globe Soccer Awards a matsayin babban taro na karrama jaruman ƙwallon ƙafa daga ko’ina x’cikin duniya.