Daily Post Nigeria
Najeriya ta tsallake hukuncin kungiyar kwallon kafar Afirka CAF
©2022 DopeReporters. All Right Reserved. Designed and Developed by multiplatforms
Gwamnan jihar Osun, Ademola Adeleke ya bayar da umarnin gudanar da bincike cikin gaggawa kan shari’ar wani Segun Olowookere da aka yankewa hukuncin kisa akan laifin satar kaza.
Gwamna Adeleke ya ba da wannan umarnin ne ta wata sanarwa da mai magana da yawun sa Olawale Rasheed ya fitar a ranar Talata.
Gwamnan ya umurci babban mai shari’a na jihar da ya sanya mutumin a jerin wadanda za ayiwa afuwa kafin karshen shekarar nan.
Umurnin dai na zuwa ne bayan wani roko na jin kai ga gwamnan a madadin Segun Olowookere da cibiyar zaman lafiya ta duniya ta yi.
Babban darakta na cibiyar, Lamina Kamiludeen Omotoyosi, ta bayyana cewa Olowookere an yanke masa hukuncin kisa ne shekaru 10 da suka gabata yana da shekaru 17 a duniya.
Omotoyosi ta ce, “Hukuncin Segun ya samo asali ne daga wani abin da ya faru da ya hada da zargin satar kaza da ƙwai a wata gona a Oyan, jihar Osun sama da shekaru goma da suka wuce.”
Tace hukuncin kisan da aka yanke masa yayi tsauri la’akari da lefin daya aikata da karancin shekarunsa hakan yasa suka bukaci gwamnatin ta shiga lamarin ta bincike tangardar da aka samu a shari’ar tare da tabbatar da anyi masa adalci.
Babbar Kotun Jihar Borno da ke zama a Maiduguri ta yanke wa Aisha Wakil, wadda aka fi sani da “Mama Boko Haram,” tare da wasu mutum biyu hukuncin shekaru 15 a gidan yari saboda zamba ta naira miliyan 6 a cikin cinikin mota.
Hukumar EFCC mai yaki da cin hanci da rashawa da kuma zagon kasa ga tattalin arzikin Najeriya ta bayyana hakan a ranar Litinin, tana mai cewa an yanke wa Aisha Wakil tare da Manajan Shirin ta na gidauniyar Complete Care and Aid Foundation, Tahiru Saidu Daura, da Daraktan Ƙasa, Lawal Shoyode, hukunci bayan an same su da laifin karɓar mota kirar Toyota Camry na shekarar 2012 daga wani mai ƙorafi ta hanyar zamba da ƙarya.
An sake gurfanar da su uku a watan Satumban 2020 kan tuhumar laifuka hudu da suka haɗa da haɗa kai, yaudara, da bayar da bayanan ƙarya, inda suka musanta aikata laifukan.
Bayan doguwar shari’a, Mai Shari’a Aisha Kumaliya ta yanke wa kowannen su hukuncin shekaru biyar a kurkuku a ranar Alhamis.
A lokacin shari’ar, masu gabatar da ƙara, Mukhtar Ahmed da Shamsudeen Saka, sun gabatar da shaidu guda uku tare da miƙa wasu takardu a matsayin hujja.
Mai Shari’a Aisha Kumaliya ta yanke hukunci a gefen masu ƙara, inda ta yanke wa waɗanda ake tuhuma hukuncin shekaru biyar a gidan yari kowannensu, ba tare da zaɓin biyan tara ba.
Kotun ta kuma umarci waɗanda ake tuhuma su biya mai ƙorafi diyyar naira miliyan 3.5. Idan sun kasa cika wannan umarni, za a ƙara yanke musu hukuncin shekaru biyar a gidan yari kowannensu, in ji alkaliyar.
Sanarwar EFCC ta bayyana cewa waɗanda ake tuhuma ba su sayi motar kamar yadda aka yi yarjejeniya ba, kuma ba su ma mayar da ita ga mai ƙorafi ba, wanda hakan ya kai ga yanke musu hukunci.