Tsohon Mataimakin shugaban kasa, Atiku Abubakar, ya bayyana fatan shekarar 2025 za ta kawo sabon salo na wadata da sauƙi ga ‘yan Najeriya, bayan shekaru masu wahala ta fuskar tattalin arziki da ƙalubale na siyasa. A tom
A cikin saƙon sabuwar shekara da ya sanyawa hannu da kansa kuma ya fitar ranar Talata, ya bukaci ‘yan Najeriya su yi amfani da damarsu don sake fasalta tattaunawar kasa tare da sanya shugabanni a gaba wajen yin adalci.
A cikin saƙonsa, Atiku ya jaddada muhimmancin jama’a su farga a kan dimokuradiyya.
Ya yi kira ga ‘yan Najeriya su kasance masu juriya wajen tabbatar da cewa ana sa shugabannin siyasa a kowane mataki a gaba don tabbatar da adalci.
“Wannan Sabuwar Shekara ba kawai wani zagaye na lokaci ba ne, sai dai wani sabon babi cike da damammaki.
“Lokaci ne da ya kamata ‘yan Najeriya su sa ido sosai kan ayyukan shugabanninsu kuma su tabbatar da cewa ba a amfani da iko don yin rashin adalci ko zaluntar jama’a ba,” in ji shi.
Atiku ya gode wa Allah saboda ya ba wa ‘yan Najeriya ikon ganin wata shekarar, duk da kalubalen da suka fuskanta a baya.
Ya yi addu’ar cewa shekarar 2025 za ta kasance sabuwa da za ta kawar da shekarun wahalar a kasa.
