Gwamnatin Kano za ta samar da kamfanin wutar lantarki

Gwamnati ta tabbatar da kudirin samar da kamfanin wutar lantarki mai zaman kansa a Kano.

Tsohon shugaban kamfanin rarraba hasken Wutar lantarki mai zaman kansa a jihar nan, Dakta Qaddafi Sani Shehu ya bayyana hakan a zantawarsa da manema labarai kan tsare – tsaren da gwamnatin Kano ta gudanar wajen ganin tashoshin sun fara aiki.

Dakta Qaddafi ya ce a yanzu haka tuni kwalejin Ilimi ta Sa’adatu Rimi ta fara amfana da wutar bisa sahalewar gwamnan Abba Kabir Yusuf.

Da ya karin haske kan batun biyan kudin wutar , Dakta Qaddafi ya ce ana sa ran wannan zai habaka tattalin arzikin jihar da bunkasa samar da hasken wutar lantarki.

Dr. Qaddafi Sani na daga cikin sababbin Kwamishinonin da aka tantance da kuma suke jiran rantsuwa domin fara aiki.